Семен Дмитриевич 1917с. Амма улууһугар Арыыһыкка (билиңңитэ Болугурга) төрөөбүтэ. Татьяна Михайловна Яковлева ахтарынан, кинилэри Омоллооҥно аан бастаан аҥаара муосталаах, аҥаара муостата суох дьиҕэ үөрэппиттэр. Учууталлартан биирдэстэрэ Семен Дмитриевич-1 Борисов эбит. Семен Дмитриевич музыка±а үөрэтэр быһылааҥа-балалайкалаах, гармошкалаах этэ. Yөрэхпэр үчүгэй буолан, Сталин төбөлөөх грамота ылбыппын өйдүүбүн. Биирдэ грамотабын уонна эдьиийим хаартыскатын уруок кэмигэр көрө олордохпуна паартаҕа бииргэ олорор уол этэн биэрэн учууталым былдьаан ылбыта. Сэрии саҕаланыытыгар Түөлбэҕэ олорор этибит, онон чугастыы Покровкаҕа баран үөрэммиппит. Семен Дмитриевич Покровкаҕа учууталлыы сылдьар кэмэ этэ. Биирдэ миигин учительскайга ыҥыран ыллылар. Мин нууччалыы билбэт уонна өйдөөбөт буоламмын үөрэхпэр мөлтөөбүтүм. Оскуолаттан устаары гыннылар диэн куттана санаабытым. Семен Дмитриевич урут былдьаабыт грамотатын нуучча учууталларыгар көрдөрбүтэ уонна миэхэ төттөрү биэрбитэ. Мин онно үөрбүтүм аҕай, хайдах бачча өр сүппэтэҕэй дии санаабытым. Семен Дмитриевич Ийэ дойдуну көмүскүү сэриигэ Алтаңңа учууталлыы сылдьан барбыта. 1944с. кулун тутарга Ленинградскай фронтан дьонугар суруйбута. Кэлиңңи дьыл±ата биллибэт. Соҕотох уола Бряк Семенович Болугур отделениятыгар механизатордаабыта.