Улахан убайбыт Торуой – Константинов Петр Петрович сэрии иннинэ Амма-Наахара сэттэ кылаастаах оскуолатын бʏтэрбитэ. Оскуола кэнниттэн республика комсомолун ыҥырыытынан Сангаардааҕы таас-чох шахтатыгар икки сыл кэриҥэ шахтердаабыта. Онно сылдьан аҕаҥ, ийэҥ ыалдьаллар диэн сураҕы истээт, 1940 сыллаахха Өлүөнэ өрүс мууһа турбутун кэннэ дьиэтигэр тɵннʏбʏтэ. Аҕатын, ийэтин уҥуох тутааччытын маҥнайгы хомуурга тʏбэһэн Ийэ дойдутун кɵмʏскʏʏ кый ыраах аттаммыта. Иркутскай уобалас Мальта диэн тимир суол станциятыгар байыаннай ʏɵрэххэ үөрэнэрин туһунан үс муннуктуу сууламмыт «Полевая почта» диэн бэчээттээх суругар биллэрбитэ. Ити 1941 сыл кʏһʏɵрʏ сайына этэ. Онтон ɵр кэмҥэ киниттэн туох да сурук-бичик кэлбэтэҕэ...убайым сэриигэ хайдах сылдьан кэлбитин маннык кэпсиирэ: ”... 1941 сыл сэтинньи ыйга биһигини илинтэн Москваҕа кэлбит саллааттары тус-туспа роталарынан араартаан хотунан-соҕуруунан, арҕаанан кимэн киирэн иһэр немец армияларын тохтотор сыалллах хас да армия уонна фронт оборонатын сʏʏһʏнэн тыһыынча саллааттарыгар холбообуттара.