ӨЛТӨХ НЭҺИЛИЭГИТТЭН УОТТААХ СЭРИИГЭ 124 КИҺИ ЫҤЫРЫЛЛЫБЫТ, ОНТОН 51 СЭРИИ ТОЛООНУГАР ОХТУБУТА. КИНИЛЭР ИСТЭРИГЭР САНААН КӨРБӨТӨХ ЫНЫРЫКТААХ СЭРИИГЭ КЫТТАН, СЫРДЫК ТЫЫНЫН ТОЛУК УУРБУТ НЭҺИЛИЭКТЭН ТАХСЫБЫТ БАСТАКЫ УЧУУТАЛЛАРТАН БИИРДЭСТЭРЭ АЛЕКСЕЙ ДМИТРИЕВИЧ ПАНТИЛОВ БААР. АЛЕКСЕЙ ДМИТРИЕВИЧ 1912 СЫЛЛААХХА ДЬАДАҤЫ БААҺЫНАЙ КЭРГЭНИГЭР ТӨРӨӨБҮТ. ТҮӨРТ БИИРГЭ ТӨРӨӨБҮТТЭРТЭН КИНИ УЛАХАННАРА. КИНИ ДЬОКУУСКАЙДААҔЫ ПЕДРАБПРОС, ОЛ ААТА ПЕДРАБФАГЫ ҮӨРЭНЭН БҮТЭРБИТ. ГОРНАЙ УОННА БУЛУҤ ОРОЙУОННАРЫНАН УЧУУТАЛЛААБЫТ. ОНТОН 1941 СЫЛ АТЫРДЬАХ ЫЙЫТТАН ӨЛҮННЬЭХТЭЭХ ОСКУОЛАТЫГАР СЭБИЭДИССЭЙИНЭН КЭЛБИТ. АЛЕКСЕЙ ДМИТРИЕВИЧ ҮЛЭТИН САҔАЛЫЫР КЭМЭ ДОЙДУ БАЙЫАННАЙ КЭМ ЫЛЛЫГАР КӨҺӨРҮЛЛҮБҮТ ЫАРАХАН, АС-ҮӨЛ КЫРЫЫМЧЫК СЫЛЛАРА ЭТИЛЭР. СЭБИЭДИССЭЙ МАННЫК ЫАРАХАН КЭМҤЭ САҤА АҺЫЛЛАР ОСКУОЛАНЫ МАТЕРИАЛЬНАЙ ӨТТҮНЭН ТОЛОРУ ХААЧЧЫЙАН ТУРАН, 1941-42 ҮӨРЭХ СЫЛЫН АҺЫЛЛЫЫТЫГАР БЭЛЭМ ОҤОРБУТА. АЛЕКСЕЙ ДМИТРИЕВИЧ 1942 СЫЛ БЭС ЫЙЫГАР СЭРИИГЭ ЫҤЫРЫЛЛАН БАРБЫТ. ОНТОН 1942 СЫЛЛААХХА МОСКВА КУОРАТ АННЫГАР СЭРИИЛЭҺЭ СЫЛДЬАН СУРАҔА СУОХ СҮППҮТҮН ТУҺУНАН ХОМОЛТОЛООХ БИЛЛЭРИИ КЭЛБИТ. ХОМОЙУОХ ИҺИН, АЛЕКСЕЙ ДМИТРИЕВИЧ БИИРГЭ ТӨРӨӨБҮТТЭРИТТЭН БИЛИГИН КИМ ДА СУОХ. КИНИ БАЛТЫЛАРА МАРИЯ УОННА РОЗАЛИЯ ТЫЫЛ, ҮЛЭ ВЕТЕРАННАРА. МАРИЯ ДМИТРИЕВНА «УУС-АЛДАН УЛУУҺУГАР ҮӨРЭҔИРИИ САЙДЫЫТЫГАР КЫЛААТЫН ИҺИН» ЗНАКТААХ ЭТЭ. СОҔОТОХ БЫРААТТАРА ПРОЛЕТАРИЙ ПАНТИЛОВ РЕСПУБЛИКАҔА БИЛЛЭР ЫАННЬЫКСЫТ ЭТЭ. КИНИЛЭР ОҔОЛОРУТТАН БУОЙУН УЧУУТАЛ АЛЕКСЕЙ ДМИТРИЕВИЧ ИДЭТИН САЛҔААН 5 ПЕДАГОГ ҮЛЭЛИИ-ХАМСЫЫ СЫЛДЬАР.