ИВАН КОНСТАНТИНОВИЧ БОГДАШИН ТҮҮЛЭЭХ ОСКУОЛАТЫГАР УҺУННУК ҮЛЭЛЭЭБИТ ОЛОХТООХ УЧУУТАЛЛАРТАН БИИРДЭСТЭРИНЭН ЭТЭ. КИНИ ТАНДАТТАН 1,5 КӨСТӨӨХ КЭТИТ САМЫЫ ДИЭН СИРГЭ ДЬАДАҤЫ ЫАЛГА ТӨРӨӨБҮТЭ. ИВАН КОНСТАНТИНОВИЧ БАНДЬЫЫТТААҺЫН КЭМИГЭР ТОХТУУ-ТОХТУУ ҮӨРЭНЭН, ТАНДА ОСКУОЛАТЫН 7 КЫЛААҺЫН 1934 С. БҮТЭРЭР. ЧУРАПЧЫГА УЧУУТАЛЛАР КЫЛГАС БОЛДЬОХТООХ КУУРУСТАРЫГАР ҮӨРЭНЭН УЧУУТАЛ БУОЛБУТА. ИВАН КОНСТАНТИНОВИЧ БОГДАШИН ТҮҮЛЭЭХХЭ АНАНАН КЭЛЭН, 1934-1941 СЫЛЛАРГА АҔА ДОЙДУ УЛУУ СЭРИИТИГЭР БАРЫАР ДИЭРИ ТИЛЭРИ УЧУУТАЛЛААБЫТА. 1938-1939 СЫЛЛАРГА НУУЧЧА, САХА ТЫЛЛАРЫН, МАТЕМАТИКАНЫ, ЧИСТОПИСАНИЕНЫ, УРУҺУЙУ, ФИЗКУЛЬТУРАНЫ ҮӨРЭППИТ. ИВАН КОНСТАНТИНОВИЧ АРҔАА ФРОНТ УОТТААХ ТОЛООНУТТАН ТЫЫННААХ ОРДОН, ЭРГИЛЛЭН КЭЛЭН, 1943 СЫЛТАН ОСКУОЛАҔА САЛГЫЫ, АНАЛ ИДЭЛЭЭХ УЧУУТАЛЛАР БААР БУОЛУОХТАРЫГАР ДИЭРИ, УҺУННУК ҮЛЭЛЭЭБИТ, ЭЛБЭХ АҔА КӨЛҮӨНЭ ДЬОН ӨЙҮГЭР-СҮРЭҔЭР ХААЛБЫТ КЫРДЬАҔАС УЧУУТАЛ ЭТЭ. 1942 С. ЧУРАПЧЫ ВОЕНКОМАТЫНАН АРМИЯҔА ЫҤЫРЫЛЛЫБЫТА. СБОРГА УРАЛ БАЙЫАННАЙ УОКУРУГАР ЧЕБАРКУЛЬ СТАНЦИЯҔА 18-С ХАЙЫHАР БИРИГЭЭДЭТИГЭР СЫЛДЬЫБЫТА. 1943 С. КУРСКАЙ ТОҔОЙ ТУHААЙЫТЫНАН АЛЕКСАНДРОВСК ДИЭН ДЭРИЭБИНЭТТЭН СЭРИИЛЭHИИТИН САҔАЛААБЫТА. ИЛИИТИГЭР БААHЫРАН, 1943 С. ДОЙДУТУГАР ОТ ЫЙЫГАР КЭЛБИТЭ. КЭЛИН АТЫЫЛААЧЧЫНАН, ЛЕСОБЪЕДЧИГЫНАН, АРЫЫ ПРИЕМЩИГЫНАН, СУБАЙ СҮӨҺҮНҮ КӨРӨӨЧЧҮНЭН, СЕЛЬСОВЕККА БУХГАЛТЕРЫНАН, ОҔО СААДЫГАР ОҺОХ ОТТООЧЧУНАН, БИРИГЭЭДЭҔЭ КАССИРЫНАН ҮЛЭЛЭЭБИТЭ. «АЛБАН ААТ» III, «АҔА ДОЙДУ СЭРИИТИН» I СТЕПЕННЭРДЭЭХ ОРДЕННАР, «ГЕРМАНИЯНЫ КЫАЙЫЫ ИҺИН» МЭТЭЭЛ КАВАЛЕРА. УЛАХАН ДЬИЭ-КЭРГЭН АҔАТА, ЭҺЭТЭ.