ОНТОН УОТТААХ СЭРИИТТЭН ЭРГИЛЛЭН КЭЛБИТ БУОЙУН УЧУУТАЛ ГЕОРГИЙ ЕФИМОВИЧ АПРОСИМОВ САХА АССР ҮТҮӨЛЭЭХ УЧУУТАЛА, РСФСР ПРОФЕССИОНАЛЬНАЙ-ТЕХНИЧЕСКЭЙ ҮӨРЭХТЭЭҺИНИН ТУЙГУНА, АҔА ДОЙДУ СЭРИИТИН I УОННА II ИСТИЭПЭННЭЭХ ОРДЕННАРЫН КАВАЛЕРА. КИНИ 1923 СЫЛЛААХХА МУУС УСТАР 18 КҮНҮГЭР МЭҤЭ-ХАҤАЛАС ХАТЫҤ-КҮРҮӨ ДЭРИЭБИНЭТИГЭР ТӨРӨӨБҮТ. ГЕОРГИЙ ЕФИМОВИЧ ҮЛЭТИН 1939 СЫЛЛААХХА САҔАЛААБЫТА. 1942 СЫЛЛААХХА С.Ф. ГОГОЛЕВ ААТЫНАН ПЕДУЧИЛИЩЕНЫ, 1952 СЫЛЛААХХА ДЬОКУУСКАЙДААҔЫ ПЕДИНСТИТУУТУ, 1958 СЫЛЛААХХА В.И.ЛЕНИН ААТЫНАН МОСКВАТААҔЫ ПЕДИНСТИТУУТУ БҮТЭРБИТЭ УОННА ПЕДАГОГИКА УОННА ПСИХОЛОГИЯ УЧУУТАЛА, ИНСПЕКТОР-МЕТОДИСТ ИДЭЛЭММИТЭ. АҔА ДОЙДУ СЭРИИТИГЭР ГЕОРГИЙ ЕФИМОВИЧ ӨЛҮННЬЭХТЭЭХ НАЧААЛЫНАЙ ОСКУОЛАТЫГАР УЧУУТАЛЛЫЫ СЫЛДЬАН ЫҤЫРЫЛЛЫБЫТА. КИНИ 1310 СТРЕЛКОВАЙ ПОЛК САСТААБЫГАР ПОДМОСКОВЬЕТТАН ХАРЬКОВКА ДИЭРИ СЭРИИЛЭСПИТЭ. УОТТААХ СЭРИИТТЭН 1943 СЫЛЛААХХА БААҺЫРАН ТӨННӨН КЭЛБИТЭ УОННА ТӨРӨӨБҮТ ОРОЙУОНУГАР ОСКУОЛАҔА ДИРЕКТОРЫ СОЛБУЙААЧЧЫНАН, НВП УЧУУТАЛЫНАН УОННА БАЙЫАННАЙ САЛАЙААЧЧЫНАН АНАММЫТА. КИНИ ӨР СЫЛЛАРГА ДЬОКУУСКАЙ КУОРАТ 5, 20 №-ДЭЭХ ОСКУОЛАЛАРЫГАР, ИС ДЬЫАЛАЛАР МИНИСТЕРСТВОЛАРЫН ИҺИНЭЭҔИ ДЕТПРИЕМНИККА, САССР МИНИСТРДЭРИН СОВЕТЫН СААҺЫН СИТЭ ИЛИК ОҔОЛОРГО КОМИССИЯТЫГАР, М.К.АММОСОВ ААТЫНАН САХА ГОСУДАРСТВЕННАЙ УНИВЕРСИТЕТЫГАР ҮЛЭЛЭЭБИТЭ. БУ ҮЛЭЛИИР КЭМНЭРИГЭР КИНИ ҮҮНЭР КӨЛҮӨНЭНИ ҮРДҮККЭ, СЫРДЫККА ТАҺААРАР ЭЛБЭХ ПЕДОГАГИЧЕСКАЙ ҮЛЭНИ ЫЫППЫТА: ОҔОНУ ИИТИИГЭ УОННА КИНИ БЫРААБЫН КӨМҮСКҮҮРГЭ УЛАХАН БОЛҔОМТОНУ УУРАРА, ҮӨРЭНЭРИГЭР СӨПТӨӨХ УСУЛУОБУЙАНЫ ОҤОРУУНУ ИРДИИРЭ. ГЕОРГИЙ ЕФИМОВИЧ ҮЛЭТИН БИИР СҮРҮН СОРУГУНАН РЕСПУБЛИКА ОСКУОЛАЛАРЫН ЭДЭР УЧУУТАЛЛАРЫН БЭЛЭМНЭЭҺИН БУОЛБУТА, КИНИЛЭР АХТЫЫБЫНАЙ ПОЗИЦИЯЛААХ ДЬОН БУОЛАЛЛАРЫГАР КЫҺАЛЛАРА. ГЕОРГИЙ ЕФИМОВИЧ «ЗА БОЕВЫЕ ЗАСЛУГИ», «ЗА ДОБЛЕСТНЫЙ ТРУД В ВЕЛИКОЙ ОТЕЧЕСТВЕННОЙ ВОЙНЕ 1941-1945 ГГ.», ЮБИЛЕЙНАЙ МЭТЭЭЛЛЭРИНЭН, АҔА ДОЙДУ СЭРИИТИН I УОННА II ИСТИЭПЭННЭЭХ ОРДЕННАРЫНАН, ЭЛБЭХ АХСААННААХ БОЧУОТУНАЙ ГРАМОТАЛАРЫНАН НАҔАРААДАЛАММЫТА.