Василий Егорович 1925 сыллаахха ыам ыйын 5 күнүгэр Ньурба улууhун Үөдэйигэр күн сирин көрбүтэ. 1943 сыллаахха Бүлүүтээ5и педучилищены бүтэрбитэ. Сэрииттэн кэлээт учууталлаабыта. Онтон 1954 сыллаахха Якутскайдаа5ы пединститут история салаатын бүтэрбитэ. Василий Егорович улууска биир бастакыннан биhиги нэhилиэккэ төрөөбүт кыраайы үөрэтэр музейы тэрийбитэ. Оло5ун үүнэр көлүөнэни иитиигэ-үөрэтиигэ анаабыта. Төрөөбүт тыл сүмэтин иҥэринэргэ бол5омтотун уурар этэ. Уруокка өйтөн суруйууттан са5алаан, о5о айар талаанын аhарга утумнаахтык үлэлиирэ. Василий Егорович кыра ыстатыйа суруйарга, хоhоон айарга үөрэтэрэ.