Афанасий Назарович Романов 1916с. Назар уонна Мария Романовтар дьиэ кэргэттэригэр төрөөбүтэ. Бииргэ төрөөбүттэрэ: убайа Николай Назарович Романов - репрессияҕа Хаандыгаҕа түбэспитэ, быраата Василий Яковлевич Андреев (иитиллибитинэн) – 1942с. Япония сэриитигэр сылдьыбыта, балта Анастасия Назаровна Ефремова - төрөппүттэрэ өлөннөр 6 саастаах тулаайах хаалбыта. Учуутал үөрэҕин бүтэрэн Амма-Наахара оскуолатыгар учууталлыы олорон, 1942с. атырдьах ыйын 18 күнүгэр бэбиэскэ туппута. Ол туґунан сиэн балта Дария Васильевна Томская маннык ахтар: «Кини ыІырыллыбыт дьонун кытта «Москва» пароходунан Мальта станцияҕа тиэрдибиттэр. Сорохтору арҕаа ыыталаан, 9-10 кылаас үөрэхтээх 2 уолу талан, ол иһигэр кинини бастаан Сретенскэйдээҕи байыаннай училищеҕа орто командирскай састаап үөрэҕэр ыыппыттар, 2-3 хоннороот түөнөрөн Улан-Yдэ аттыгар Дивизионная диэн станцияҕа лейтенант үөрэҕэр үөрэппиттэрэ. Быһыы-майгы ыксаллааҕынан 6 ый оннугар, 3 ый үөрэтэн И.В.Сталин бирикээһинэн Москва арҕаа өттһгэр Смоленскай уобалаһыгар кулун тутарга Маршевай ротаҕа түбэспит – 277 №-дээх дивизия 850 стрелковай полкатыгар. Оборонаҕа кулун тутарга диэри кыстаабыт. Сэриилэри солбуйтарбыттар. Манна Власовецтар эмиэ сэриилэспиттэр. 1943с. атырдьах ыйын 9 күнүгэр андаҕар ылан баран атаакаҕа киллэрбиттэр, 1943с. өстөөхтөр көмүскэммит мэһэйдэрин киэр быраҕан куотар аакка баран эрэр кэмнэрэ буолан улахан утарсыылаах, икки өттүттэн улахан сүтүктээх, өлөрсүүлээх уоттаах сэрии саамай үгэһэ этэ, биһиги артиллериябыт күүстээх уотунан бу сэриигэ өстөөх бөҕөргөтүүтэ үлтүрүтүллүбүтэ. Кини станковай пулемекка бастакы нүөмэринэн сылдьыбыт. Смоленскай туһаайыыларынан, Брянскай тыаларынан, Холмовая, Холмишки диэн дэриэбинэлэри, Спас-Демьянск нэһилиэнньэлээх пууннары босхолоспута, өссө сорох сирдэрин ааттарын билбэт, байыаннай кистэлэҥ буолан мээнэ эппэттэр эбит.